Երեկվանից հնչում են կոչեր, որ «Ոչ թալանին» նախաձեռնությունը պառակտել է ՀԽ-ն, որն ավելի կոնկրետ գործողությունների գնալու կոչ է անում։
«Հիմնադիր խորհրդարան»-ի փոխնախագահ Վարուժան Ավետիսյանն «Առաջին լրատվական»-ի հետ զրույցում ասաց, որ ՀԽ-ն կազմակերպված ձևով աջակցում է երիտասարդների պայքարին.
«Մենք պարտավոր ենք աջակցել և մեր պարտավորությունն ենք կատարում։ Մեր կողմից որևէ քաղաքական օրակարգ չի բարձրացվել և չի բարձրացվելու այս պայքարի հետ կապված, ընդամենը աջակցում ենք, որ մեր երիտասարդները արդյունքի հասնեն», -ասաց նա։
Վարուժան Ավետիսյանի խոսքով՝ բոլոր ողջամիտ մարդկանց համար ակնհայտ էր, որ ռեժիմը իր ոստիկանական և գործակալական ուժերի միջոցով փորձեց իսկապես պառակտել շարժումը, դրա փոխարեն ընդամենը զտում տեղի ունեցավ։
