Էլեկտրաէներգիայի սակագնի բարձրացման դեմ ընդվզումները նոր թափ են առնում: Երևանից բացի՝ ոտքի է կանգնել նաև Գյումրին: Քաղաքացիները տրամադրվել են պայքարել այնքան ժամանակ, մինչև որ պատկան մարմինները կվերանայեն թանկացման անօրինական որոշումը: Իշխանությունները լուծումներ առաջարկելու փոխարեն առայժմ ոստիկանության միջոցով նախազգուշացնում են, որ նստացույցը անօրինական է, և իրենք համապատասխան քայլեր կձեռնարկեն: Սակայն նախազգուշացումներն ավելի են բորբոքում կրքերը, նստացույցի մասնակիցների թիվը գնալով մեծանում է:
Իսկ ի՞նչ են մտածում պատգամավորները, ընտրվելուց առաջ քաղաքացիներին բազում խոստումներ շռայլած երեսփոխանները պատրաստվո՞ւմ են արդյոք այսօր սատար կագնել քաղաքացու պահանջներին: Գյումրեցի, ԲՀԿ խմբակցության պատգամավոր Մարտուն Գրիգորյանը երեկ ցոցարարաներին էր հանդիպել: «Առաջին լրատվական»-ը գյումրեցի մեկ այլ պատգամավոր ՀՀԿ-ական Սուքիաս Ավետիսյանից հետարքրքվել է՝ ինչու այս օրերին իր ընտրողների կողքին չէ:
«Եթե ես ըտրողների կողքին պիտի լինեմ միայն հանրահավաքների ժամանակ, ես դա չեմ ընդունում: Ես միշտ եմ Գյումրիում, ինչ խնդիր ուզում է լինի, ես իմ կարծիքը վաղուց արտահայտել եմ Գյումրիի լրատվամիջոցներով և մասնակցել քննարկումներին, այնպես չէ, որ գնամ հանրահավաքին կողքները կանգնեմ, որ երևա՝ ես ընտրողների կողքին եմ»:
Պատգամավորից հետաքրքրվեցինք՝ ճանաչելով գյումրեցիներին՝ ի՞նչ է կարծում, ճնշումը կարո՞ղ է ազդեցություն ունենալ, հատկապես որ Երևանում էլ ցուցարարները սպառնում են միտինգը շարունակել, գնալ Բաղրաման 26:
«Միայն Գյումրին չէ, Երևանում էլ նույն նստացույցն է, Երևանում էլ նույն ցույցերն են: Տարբեր ոլորտներում թանկացումն է քննարկվում, ցանկացած քաղաքացի մտածում է այդ մասին, տնտեսվարողի ու ցանկացած ընտանիքի վրա ազդելու է թանկացումը, իհարկե, հանրահավաքին մասնակցում է ակտիվ մասը, որը բարձրաձայնում է ընդհանուրի բողոքը, բայց ինչ վերաբերում է արդյունքին, գիտեք ինչ կա, հանրահավաքներ կազմակերպելը բարձրաձայնել է, բայց որ մտածենք՝ ճնշում կգործադրվի ու այն չեղյալ կհայտարարվի, դա չի լինի»,- ասաց պատգամավորը:
Ավելին՝ տեսանյութում
