Վարչապետ Հովիկ Աբրահամյանն իր գործունեությամբ կարծես թե նմանվում է իր նախորդին՝ Տիգրան Սարգսյանին, ով մշտապես հավաստիացնում էր տնտեսական աճի եւ բարելավվման մասին, սակայն հանրությունը հակառակ պատկերին էր ականատես լինում: Այսօր «Առաջին լրատվական»-ը Հովիկ Աբրահամյանից, ով Ազգային պատկերասրահում մասնակցում էր ֆրանսահայ հանրահայտ արվեստագետ Լևոն Թութունջյանի ցուցահանդեսին, հետաքրքրվեց՝ կառավարության նիստի օրը իր լավատեսական հայտարարությունները ինչի՞ վրա էին հիմնված: Արդյո՞ք նա իր գործունեությամբ գնալով չի նմանվում Տիգրան Սարգսյանին:
Հիշեցնենք, որ կառավարության նիստի օրը վարչապետը վստահեցրեց. «Նախատեսել ենք միջնաժամկետ ծախսերի ծրագրով 1 տոկոս տնտեսական աճ, որը, ես համոզված եմ, ավելին է լինելու, մինիմում 2-3 տոկոս է լինելու։ Համոզված եմ, որ մեր բյուջեում դրված 4.1 տոկոս տնտեսական աճը փորձելու ենք, ամեն ինչ անելու ենք, որ այդ ցուցանիշները ապահովենք»
Վարչապետից հետաքրքրքվեցինք նաեւ Արտաշատի քաղաքապետի ընտրապայքարում իր որդու մենակ մնալու եւ էլեկտրաէներգիայի սակագնի բարձրացման հետեւանքների մասին:
