Իրանը մերժել է Ատոմային էներգիայի միջազգային գործակալության Պարչինում միջուկային օբյեկտի ստուգում անցկացնու մասին խնդրանքը, հայտնել է Իրանի արտաքին գործերի նախարար Մարզիե Աֆհամը:
Ելույթ ունենալով ամենշաբաթյա մամլո ասուլիսում, Աֆհամը հայտարարել է, որ Իրանն անցյալում արդեն պարզել է իր դիրքորոշումն այս հարցի շուրջ, և իր քաղաքականության մեջ փոփոխություն տեղի չի ունեցել, չորեքշաբթի օրը հայտնել է Fars-ը:
Ավելի վաղ, ԱԷՄԳ-ն իրանյան իշխանություններից բազմիցս թույլտվություն է խնդրել Պարչինում ստուգումներ անցկացնելու վերաբերյալ, քանի որ կասկածվում է, որ այնտեղ անցկացվում են Իրանի ռազմական միջուկային ծրագրի հետազոտություններ: Սակայն, Իրանը հերքում է այդպիսի կասկածները:
Արևմուտքը Թեհրանին կասկածում է նրանում, որ խաղաղ նպատակներով կիրառվող միջուկային ծրագրի անվան տակ Իրանը պատրաստում է միջուկային զենք: Իրանի իշխանությունները մերժում են այդ կասկածանքը:
Իրանը հունիսի վերջին միջազգային միջնորդ հանդիսացող «վեցնյակի» հետ պետք է համաձայնագիր մշակի Թեհրանի միջուկային ծրագրի շուրջ: Այն ժամանակ, երբ Արևմուտքը փորձում է սահմանափակել Իրանի միջուկային ծրագիրը, Թեհրանը պահանջում է չեզոքացնել երկրի նկատմամաբ կիրառվող տնտեսական պատժամիջոցները:
