Facebook-ում տեսանյութի շնորհիվ բացահայտվել է բրիտանացի Էնդրյու Օ՝Քլիի՝ 2 կին ունենալու փաստը։ Այս մասին գրում է The Sun-ը:
Բրիտանացու առաջին կինը իմացել է ամուսնու կյանքում երկրորդ կնոջ գոյության մասին, երբ Օ՝Քլիին նշել են Ice Bucket Challenge արշավի հոլովակում:
Խաբեբան կեղծել է դատարանի որոշումը, որպեսզի մորն ու եղբորը համոզի, թե ինքն ամուսնալուծվել է առաջին կնոջից՝ Միշելից: Արդյունքում ոչինչ չկասկածող ազգականները մասնակցել են նրա երկրորդ հարսանիքին:
Օ’Քլիի նոր ընտրյալը Ֆիլիպա անունով մի կին է՝ հայտնում է The Telegraph-ը:
Իր առաջին կնոջը նա ասել էր, որ երկար ժամանակով բացակայելու է: Ամուսնու սուտը առաջին կինը բացահայտել էր, երբ տեսել էր նրա տեսանյութը: Կինը դիմել էր ոստիկանություն:
Տղամարդը երկու կին ունենալու համար դատապարտվել է 8 ամսվա ազատազրկման։
