«Ժողովուրդ»-ի աղբյուրների փոխանցմամբ՝ ՀՀ Աժ ՀՀԿ խմբակցության անդամ, գործարար Սամվել Ալեքսանյանը, ռուսաստանաբնակ գործարար Սամվել Կարապետյանը և ԲՀԿ նախկին առաջնորդ Գագիկ Ծառուկյանն իրենց ընտանիքներով դարձյալ մեկնել են Դուբայ՝ հանգստանալու: Գագիկ Ծառուկյանի մամլո խոսնակ Իվետա Տոնոյանը «Ժողովուրդ»-ի հետ զրույցում, ինչպես նախկին համանման դեպքերում, ասաց. «Գագիկ Ծառուկյանը Հայաստանում է»:
Հիշեցնենք, որ նշված եռյակը սովորաբար տարին երկու անգամ Դուբայում հավաքվում է: Սակայն այս մի հավաքն իր բնույթով առանձնանում է և չի կարող համարվել սովորական: Բանն այն է, որ մինչ այս հավաքը Գագիկ Ծառուկյանի կյանքում «հեղաշրջում» եղավ, մեկ նա հայտարարեց, թե ընդունում է Սերժ Սարգսյանի՝ իրեն նետված մարտահրավերը, իսկ մի քանի օր անց «կապիտուլացիա կնքեց» և հայտարարեց քաղաքականությունից դուրս գալու մասին: Այլ կերպ ասած՝ Ծառուկյանն այլևս առաջվանը չէ, և այս փաստը չի կարող իրեն զգացնել չտալ նաև ներօլիգարխային հարաբերություններում»:
Ավելի մանրամասն` թերթի այսօրվա համարում:
