Ռոբի Ուիլյամսի հիթերի պատվին փողոցների անուններ են հայտնվել անգլիական Սթոք օն Թրենթ քաղաքում, որտեղ ծնվել է հայտնի երաժիշտը, գրում է BBC News-ը:
«Ես հպարտ եմ իմ քաղաքով, և ինձ համար մեծ պատիվ է իմանալ, որ Սթոք օն Թրենթի փողոցները իմ երգերի պատվին են անվանակոչվել: Դա հիանալի ժառանգություն է, և ես հպարտ եմ նաև նրանով, որ հնարավորություն ունեմ դա մի օր երեխաներիս ցույց տալու»,- մեկնաբանել է երգիչը:
Փողոցներն այժմ կրում են Angels Way, Candy Lane և Supreme Street անվանումները: Նման նվեր Ուիլյամսին համաքաղաքացիներն արել են քառասնամյակի առթիվ, որը երգիչը նշել է անցած տարի:
Ուիլյամսը ամենահայտնի բրիտանացի երգիչն է համարվում: Երգչի ալբոմների համաշխարհային վաճառքներն անցնում են 55 միլիոն օրինակից:
