«Փորձը ցույց է տվել, որ ՀԱՊԿ-ի հանդիպումների շրջանակներում լարվածություն չի եղել: Հուսանք, որ լարվածություն չի լինի, բայց եթե լարվածություն լինի էլ, մեր բանակի առաջին գծի զինվորները, իրենց հմուտ հրամանատարների հետ, ստորաբաժանումների զորամասերի կազմով, ի վիճակի են վերահսկել այդ լարված իրավիճակը և խելամիտ որոշումների ընթացքում արժանի հակահարվածներ տալ»: Այսօր «Բանակը մեր տունն է» միջոցառումից հետո լրագրողների հետ զրույցում ասաց պաշտպանության նախարար Սեյրան Օհանյանը՝ անդրադառնալով հարցին, թե հնարավոր է ՀԱՊԿ գագաթաժողովից առաջ և հետո սահմանին լարվածություն նկատվի:
Մեր այն հարցին ի պատասխան՝ արդյոք տարին աննախադե՞պ տարի էր հայկական բանակի համար, նախարարը նշեց, որ 2014 թվականը հայկական բանակի համար առանձնահատուկ էր իր լարվածությամբ՝ սկսած հունվարի 19-ի դեպքից՝ կրտսեր Սերժանտ Արմեն Հովհաննիսյանի զոհվելուց, նաև հուլիս-օգոստոս ամիսների լարվածությունը, իսկ տարեվերջին հակառակորդի կողմից հայկական ուղղաթիռ խոցվեց:
«Մենք ունեցել ենք արդյունքներ: Ամենակարևոր արդյունքը. բանակում հայտարարված էր արատավոր բարքերի դեմ պայքարի տարի՝ «Բանակը մեր տունն է, մեր ամրոցն է» խորագրով: Կարելի է ասել՝ կարգապահության ամրապնդման գործում կարգապահական պրակտիկայի վերլուծությունը ցույց է տվել, որ քրեածին դեպքերը 2,5 անգամ նվազել են: Այն դեպքում, որ հրամանատարությունն է այս տարի պատասխանատվությունն իր վրա վերցրել: Հասարակության, դպրոցների հետ աշխատանքը դեռ իր արդյունքը չի տվել, որովհետև այն մարդկիկ, ում հետ աշխատել ենք, դեռևս բանակ չեն եկել: Նախորդ տարիների հրամանատարների, հասարակության և ընտանիքի հետ աշխատանքի արդյունքում է»,- հավելեց նա: Հուսանք, որ հաջողությունները շարունակական կլինեն, 2015 թվականին էլ հայոց բանակը կկարողանա ապահովել խաղաղություն, զսպման մեխանիզմներ կձևավորվեն, և առաջին գծում լարվածությունը կփորձեն նվազեցնել»:
Մեր հարցին՝ հայկական կողմն ուղղաթիռը խոցելուց հետո անհամաչափ պատասխան տվե՞ց թշնամուն, Սեյրան Օհանյանը նշեց, որ անհամաչափ պատասխանները շատ դեպքերում իրենց մեջ պարունակում են նաև ռազմական գաղտնիություն: Բոլոր դեպքերը չէ, որ մենք կարող ենք հասցնել մեր հասարակությանը: Այդ անհամաչափ պատասխանը եղել է, նաև որոշ բաներ էլ հասարակությանը ասվել է, հասարակությունը տեղյակ է եղել է: Մենք հակառակորդի կայքերն ենք ուսումնասիրում, կարուստների վերաբերյալ տեղեկատվությունը տեսնում ենք»,- ասաց Օհանյանը:
Ավելին՝ տեսանյութում: