Այն երեխաները, որոնք մոտ 10-11 տարեկանում զարգացած չէ որոշումներ կայացնելու ընդունակությունը, ամենայն հավանականությամբ դեռահասության տարիքում ռիսկային արարքներ են գործելու: Օրեգոնի համալսարանի գիտնականների կատարած հետազոտությանը մասնակցել է մոտ 100 երեխա: Սա առաջին հետազոտությունն է, որտեղ նման կապ է ուսումնասիրվել:
Գիտնականները հայտնաբերել են, որ որոշումները դժվարությամբ կայացնող երեխաների մոտ մի քանի տարի հետո վարքի խնդիրներ են առաջացել: Ապագայում նման դեռահասները հաճախ են ստել, վիճել և բարդություններ են ունեցել հասակակիցների հետ: Այդ ամենն իր հերթին կարող է պատճառ դառնալ հոգեմետ նյութերի օգտագործման կամ վտանգավոր սեռական վարքի համար:
Հետազոտողների կարծիքով՝ որոշումների կայացմանը կարելի է սովորեցնել՝ նշում է Meddaily-ին: Կարևորը ժամանակին այդ խնդիրները նկատելն ու երեխային անհրաժեշտ հմտությունները փոխանցելն է: