Հալեպի նահանգի Մուսլեմիյե քաղաքում սպանվել է սիրիական ապստամբների բոլոր զորամիավորումների հրամանատարը՝ գնդապետ Յուսեֆ ալ-Ջադերը (Աբու-Ֆուրաթ)։ Նա սպանվել զինվորական ակադեմիայի շենքի համար մարտի ընթացքում, հաղորդել են նրա ենթակա զինվորները։
«Լիվա ալ-Տաուհիդ» զորախմբի հրամանատար գնդապետին իր ենթակաները համարել են հերոս-նահատակ։
Գնդապետը ժամանակին սիրիական բանակի տանկային զորքերի հրամանատար է եղել, սակայն անցել է ընդդիմադիրների կողմը։
«Լիվա ալ-Տաուհիդ»-ին միանալուց հետո, Աբու-Ֆուրաթը կառավարել է Հալեպի բոլոր ռազմական գործողությունները։ Իր զորամիավորումը կապված է «Մուսուլման եղբայրների» հետ։
Նա մասնակցել է Սալահեդդինի և Սեյֆ ալ-Դաուլի մարտերին։
Դիվանագիտական աղբյուրներն ուրբաթ օրը հաղորդել են, որ ՄԱԿ-ը կարող է Սիրիա ուղարկել մինչև 10 000 խաղապահ զինվոր։
Նոյեմբերի 29-ին ՄԱԿ-ում Արաբական Պետությունների Լիգայի հատուկ ներկայացուցիչ Լահդար Բրահիմին հայտարարել է, որ Սիրիայում արյունահեղությունները կանխելու համար անհրաժեշտ է այնտեղ խաղաղապահների առաքելությունը։
Ըստ նրա՝ «երկնագույն սաղավարտները» կպաշտպանեն սիրիական գործող կառավարությանը։
Խաղաղապահների առաքելության մասին վերջնական որոշում կարող է ընդունել Անվտանգության Խորհուրդը։
Սիրիայում ստեղծված հակամարտության արդյունքում զոհվել է ավելի քան 30 000 մարդ։
