Իրանի հոգևոր առաջնորդ այաթոլլա Խամենեին համաձայնություն է տվել, որպեսզի երկրի պաշտոնական անձիք կապեր հաստատեն ԱՄՆ պաշտպանության նախարարության հետ: Այս մասին հաղորդում է BBC-ն՝ վկայակոչելով Թեհրանի իր բարձրաստիճան աղբյուրին:
Համաձայն Իրաքի հյուսիսից եկող տեղեկությունների՝ քրդերի կողմից վերահսկվող տարածքներում արդեն հանդիպումներ են տեղի ունենում ԱՄՆ-ի և Իրանի պաշտոնատար անձանց մինջև՝ կապված Իսլամական պետության գործողությունների հետևանքով առաջացած իրավիճակի հետ:
Երկու երկրների դիրքորոշումները համընկնում են նրանում, որ և՛ ԱՄՆ-ը, և՛ Իրանը այս պահին Իսլամական պետությունը համարում են գլխավոր սպառնալիք ամբողջ Մերձավոր Արևելքի անվտանգության համար:
Վերջերս Իրանը զենք և զինամթերք ուղարկեց քրդական ինքնապաշտպանական ուժերին: Քրդերին զենքի մատակարարումներ է իրականացնում նաև Պենտագոնը, իսկ ամերիկյան ավիացիան հրթիռային հարվածներ է հասցնում Իսլամական պետության դիրքերին:
Իրանի և ԱՄՆ-ի միջև դիվանագիտական հարաբերությունները խզվել են 1980թ.:
