Instagram-ի և Twitter-ի անգլիալեզու հանրույթի շրջանում տարածում է ստանում #Fatkini հեշթեգը, որի տակ հայտնվում են փարթամ կազմվածքով աղջիկների լուսանկարներ, ովքեր չեն վախենում լեղազգեստ կրելուց՝ գրում է The Daily Mail-ը:
Սոցիալական ցանցերում այս ակցիային մասնակցող աղջիկները դրանով ցուցադրում են, որ նրանք սիրում ու իրար ընդունում են այնպիսին, ինչպիսին կան, և բարդույթների հակում չունեն: Ինչպես հաղորդում է պարբերականը՝ իրենց սելֆիներով աղջիկները հույս ունեն գրավել հագուստ արտադրողների ուշադրությունը, որպեսզի նրանք թողարկեն ավելի մեծ չափերի լողազգեստներ:
Ակցիայի վերաբերյալ կարծիքները կիսվել են: Օգտատերերից ոմանք աջակցում են աղջիկներին: Մյուսներն, ընդհակառակը, համարում են, որ նման ակցիաները խանգարում են մարդկանց աշխատել իրենց վրա և վերահսկել քաշը:
