Մեծ Բրիտանիայում մեծ ժողովրդականություն են վայելում այն տեսանյութերն ու լուսանկարները, որոնցում Մեծ Բրիտանիայի թագավորական ընտանիքի անդամ, Ուելսի արքայազն Հարին զվարճանում է Հանթինգթոն քաղաքում կազմակերպված փառատոնի ժամանակ:
29-ամյա Հարին նստել է կարուսել, պարել, պատկերել ռոբոտի և նույնիսկ դեմքը ծամածռել: Բրիտանական լրատվամիջոցներն ընդգծում են, որ նա եղել է գլխարկով, որի վրա պատկերված էր պետության դրոշը: Տեսանյութի հեղինակը The Daily Mail-ին հայտարարել է, որ չի կարող հավատալ, թե իրեն հաջողվել է զվարճանալ թագավորական ընտանիքի ներկայացուցչի հետ:
Կազմակերպիչների խոսքերով՝ Հանթինգթոնում կայացած փառատոնը կազմակերպվում է «երեկույթների պրոֆեսիոնալ հաճախորդների համար»: Անցած տարի այն ունեցել է ավելի քան 20 հազար այցելու: Ընդ որում՝ 20 մարդ ձերբակալվել էր թմրանյութերի օգտագործման համար:
