Հարավկորեական ավտոարտադրող Hyundai-ն ԱՄՆ-ում հետ է կանչում 419 հազար ավտոմեքենա՝ կապված արգելակման համակարգի և կախոցի հնարավոր անսարքությունների հետ: Թերությունները վերաբերում են նաև յուղի արտահոսքին: Այս մասին հայտնել է Մայրուղիների երթևեկության անվտանգության ամերիկյան ազգային վարչությունը՝ փոխանցում է ITAR-TASS-ը:
Հետկանչը տարածվում է 2001-2006թթ. մոդելային տարիների 225 հազար Santa Fe արտաճանապարհային մեքենաների վրա, որոնց առջևի գալարաձև զսպանակները կարող են ժանգոտել անբարենպաստ եղանակային պայմաններից և կոտրվել՝ վնասելով անվադողերը, ինչը կարող է վթարի հանգեցնել:
Հետկանչը տարածվում է նաև 2011 թվականի արտադրության 133 հազար Sonata մեքենաների վրա: Դրանցում կարող է տեղի ունենալ արգելակման հեղուկի արտահոսք, ինչը մեծացնում է արգելակման ուղին: Բացի այդ, Hyundai-ն հետ է կանչում 2007-2012թթ. արտադրության 61 հազար Veracruz մեքենաներ: Դրանցում կարող է տեղի ունենալ յուղի արտահոսք գեներատորի վրա, ինչը կարող է հանգեցնել շարժիչի աշխատանքի կանգի:
Ինչպես հաղորդվում է՝ Hyundai ներկայացուցիչներին հայտնի չեն թերությունների հետևանքով վթարների մասին:
