«Ազատություն»-ը գրել է.
Դասաժամը դպրոցական ծրագրից հանելու՝ Կանադայի թուրքերի ջանքերը ձախողվել են:
Հայոց ցեղասպանությանը վերաբերող դասաժամը Տորոնտոյի դպրոցական ծրագրից հանելուն ուղղված Կանադայի թուրքերի ջանքերը ձախողվել են: Այս մասին Rudaw.net քրդական լրատվական կայքի թղթակցի հետ զրույցում հայտնել է Տորոնտոյի շրջանի կրթության բաժնի պաշտոնյան` հավելելով, որ հայերի ցեղասպանության պատմության դասավանդումը կշարունակվի առաջիկա տարիներին:
Ավելի վաղ Կանադայի թուրքերը ավելի քան 2 հազար 200 ստորագրություն էին հավաքել` պահանջելով Տորոնտոյի շրջանի դպրոցների ղեկավար խորհրդից Ցեղասպանությանը վերաբերող առարկան հանել կրթական ծրագրից` հիմնավորելով, թե այն ներկայացնում է միայն մեկ համայնքի կարծիքը և բացասաբար է ազդում թուրքական արմատներով աշակերտների վրա:
Chang.org կայքում առցանց ստորագրահավաքը կազմակերպել են Տորոնտոյի դպրոցներ հաճախող թուրք երեխաների ծնողները, ովքեր, պահանջելով ուսումնական ծրագրից հանել Հայոց ցեղասպանությանը վերաբերող ցանկացած նյութ, իրենց դիմումում գրել են, թե խորապես մտահոգված են այն բացասական ազդեցությամբ, որ այդ առարկան թողնում է իրենց երեխաների վրա` պնդելով, որ այն հաճախ հանգեցնում է անմեղ երեխաներին ծաղրուծանակի ենթարկելուն, վախեցնելուն, ինչը իր հերթին հոգեբանական ու ֆիզիկական վնաս է պատճառում:
Չնայած այս պնդումներին` Կանադայի խորհրդարանի նախկին պատգամավոր Ջիմ Կարիգիանիսը Տորոնտոյից, ով պատրաստվում է այս աշնանը առաջադրվել քաղաքային խորհրդի ընտրություններում, Rudaw.net- ի հետ զրույցում ասել է, որ ապացույցներ չկան, թե թուրք երեխաները ծաղրի կամ ճնշումների են ենթարկվել դպրոցներում: Կարիգիանիսի խոսքով` բարձր դասարաններում աշակերտներին հայոց և այլ ցեղապանությունների մասին դասավանդելը կարող է օգնել կանխելու հնարավոր ապագա չարագործությունները:
Ամբողջությամբ՝ սկզբնաղբյուր կայքում:
