Լևենի համալսարանի մասնագետների կատարած ուսումնասիրությունը ցույց է տվել, որ պարբերաբար օրգազմ ապրող կանայք գիտակցաբար կենտրոնանում են իրենց մարմնի զգացողությունների վրա, գրում է Live Science-ը: Այս կանանց մոտ սեռական հարաբեության ժամանակ էրոտիկ բնույթի շատ մտքեր են առկա: Սակայն օրգազմ ունեցող և չունեցող կանայք առանց զուգընկերոջ մաստուրբացիա անելու ժամանակ էլ հավասար քանակով էրոտիկ մտքեր են ունեցել:
Ստացվում է, երբ կինը մենակ է, նրան ավելի շատ է հաջողվում կենտրոնանալ իր երևակայության վրա: Իսկ եթե սեռական հարաբերության ժամանակ կենտրոնանալ չի ստացվում, ապա կարող են խնդիրներ առաջանալ: Կանանց երբեմն շեղում են իրենց արտաքին տեսքի վերաբերյալ մտքերը:
Ուսումնասիրությանը մասնակցել են 18-67 տարեկան 251 կանայք: Նրանցից 176-ը պարբերաբար օրգազմ է ապրել, իսկ 75-ի մոտ բարդություններ են եղել: Մասնակիցների 90%-ը հետերոսեքսուալ են եղել:
Եզրակացությունը միանշանակ է՝ կնոջ օրգազմը կապված է ուղեղի հետ: Հետևաբար, սեփական մարմնի և պահի վրա կենտրոնանալը կարող է օգնել հասնել սեռական բավարարվածության: Ընդ որում, երիտասարդ կանանց մոտ այդպիսի խնդիրներ ավելի հաճախ են հանդիպում:
