Кавказский Узел կայքի հաղորդմամբ, «Ատլաս» հետազոտությունների կենտրոնի ղեկավար Էլհան Շահինօղլուն համարում է, որ համանախագահների տարածաշրջանային այցելություններից լուրջ ակնկալիքներ պետք չի ունենալ: Նրա խոսքերով բանակցային գործընթացների ակտիվության իմիտացիա է ստեղծվում, իսկ իրականում ամեն ինչ դոփում է տեղում:
Շահինօղլուի կարծիքով, բանակցային գործընթացների այս փուլում առաջընթացի բացակայությունը պայմանավորված է նրանով, որ «Ռուսաստանն իրավիճակը փոխելու ցանկություն չունի: Նա (Ռուսաստանը) այժմ ավելի շատ շահագրգռված է Հայաստանի և Ադրբեջանի շփման գծի ստատուս քվոյի պահպանմամբ, քանի որ ամեն գնով ցանկանում է պահպանել տարածաշրջանի կայունությունը`2014թ. Օլիմպիական խաղերի նախաշեմին»:
Շարունակելով իր միտքը` Շահինօղլուն հավելել է, թե քանի որ բանակցությունների նախաձեռնությունը Ռուսաստանը վերցրել է իր վրա, ապա երեք պետությունների համատեղ միջնորդության ջանքերը ֆորմալ միսիա են դարձել: