Թուրքիայի նախագահականի եւ կառավարության բյուջեները այդ երկրի պատմության մեջ աննախադեպ նշաձողերի են հասնում: Անցած տարվա համեմատ նախագահականի բյուջեն ավելացել է 44 մլն 400 հազար, իսկ կառավարության բյուջեն` 1 մլրդ 111 մլն 472 հազար թուրքական լիրայով: Նշենք, որ 1 դոլարը համարժեք է 1.52 թուրքական լիրայի: Թուրքիայի ֆինանսների նախարար Մեհմեթ Շիմշեքը պատրաստվում է մեջլիսի բյուջետային պլանավորման հանձնաժողով ներկայացնել պետության այդ երկու բարձրագույն հաստատությունների բյուջետային պատկերը:
Այսպիսով, Թուրքիայի նախագահականի 2011 թվականի բյուջեն, ըստ նախատեսվածի, կազմում է 116 մլն 900 հազար թուրքական լիրա, իսկ կառավարության 2011 թվականի բյուջեն` 5 մլրդ 115 մլն 222 հազար թուրքական լիրա: Ի դեպ,10 տարի առաջ` 2000 թվականին, երբ Թուրքիայի նախագահը Ահմեթ Սեզերն էր, նախագահականի բյուջեն ընդամենը ուներ 13 մլն 690 հազար թուրքական լիրա: