ԱՄՆ նախագահ և երեքշաբթի տեղի ունենալիք նախագահական ընտրություններում դեմոկրատ թեկնածու Բարաք Օբաման ընտրությունների օրը կանցկացնի բասկետբոլ խաղալով, իսկ երեկոյան կհետևի ձայների հաշվմանը:
Օբամային նախընտրական շտաբում նրա մամլո քարտուղար Ջեն Պսակին հայտնել է, որ այդ օրը Օաբաման կլինի հարազատ Իլինոյս նահանգում:
Օբաման արտահերթ հոկտեմբերի 26-ին քվերակել է իր օգտին: Ընտրական հանձնաժողովի աշխատակկիցները սկզբում օգնել են նախագահին, որովհետև նա գլուխ չի հանել էլեկտրոնային քվեարկության մեքենայից:
Օբաման առաջին գործող նախագահն է, որն արտահերթ քվեարկել է իր օգտին` գնալով ընտրատեղամաս:
Միշել Օբաման ամուսնու օգտին քվեարկել է հոկտեմբերի 15-ին: Օբաման և Միշելը բազմիցս են ամերիկացիներին կոչ են արել քվեարկել արտահերթ, իրենք էլ օրինակ են դարձել:
USA Today թերթի և Gallup ֆոնդի անցկացրած համատեղ հարցման արդյունքով` 12 հիմնական նահանգներում թեկանածուներն ունեն 48%-ական ձայներ:
«Տատանվող» նահանգներն են` Կոլորադոն, Ֆլորիդան, Այովան, Միչիգանը, Նևադան, Նյու Հեմփշիրը, Նյու Մեքսիկոն, Հյուսիսային Կարոլինան, Օհայոն, Փենսիլվանիան, Վիրջինան և Վիսկոնսինը: Այս նահանգներում հարցման արդյունքով` Օբաման փոքր առավելություն ունի 9 նահանգներում, Ռոմնին` 2-ում:
Թեկնածուները երկրում ունեն հավասար աջակցություն: USA Today-ի հարցման արդյունքներով` Օբաման ստացել է 47,5%, Ռոմնին`47,3% ձայն:
CNN-ի հարցման արդյունքներով`Օբամայի և Ռոմնիի օգտին պատրաստ է քվերակել ընտրողների 49-ական տոկոսը, ըստ Politico թերթի հարցման` 48%-ական, NBC News-ի` Օբամային աջակցում է ընտրողների 48%-ը, Ռոմնիին` 47%-ը, ABC News-ի` Օբաման ունի 49% աջակցություն, Ռոմնին` 48%, Pew Research կենտրոնի` Օբամա` 50%, Ռոմնի` 47%:
