Պաղեստինցիները հույս ունեն, որ նոյեմբերի 15-ին կամ 29-ին ՄԱԿ-ի Գլխավոր Ասամբլեան քվեարկելու է նրանց` կազմակերպությանը կից «դիտորդ-պետության» կարգավիճակ ստանալու համար: Այս մասին հայտարարել է Պաղեստինի ազատագրման կազմակերպության գործադիր կոմիտեի անդամ Ույասել Աբու-Յուսեֆը:
Երկու ամսաթվերն էլ խորհրդանշական նշանակություն ունեն պաղեստինցիների և դաշնակիցների համար: 1988 թ. նոյեմբերի 15-ին Պաղեստինի ազգային խորհուրդը հրապարակել է Պաղեստինի Հանրապետության ստեղծման մասին, իսկ 1947թ. նոյեմբերի 29-ին ՄԱԿ-ի Գլխավոր Ասամբլեան որոշում է ընդունել Պաղեստինը երկու մասի բաժանելու մասին` արաբական և հրեական:
«Մենք հավատում ենք ՄԱԿ-ի դիտորդ-երկրի կարգավիճակ ստանալու փորձին, քանի որ ավելի քան 130 պետություն արդեն ճանաչել է մեր անկախությունը: Հուսով ենք, որ խոշոր պետությունները ևս մեր օգտին կքվեարկեն»,-նշել է նա:
Աբու-Յուսոֆը նշել է, որ քվերակության նախօրեին Պաղեստինյան ազգային վարչության ղեկավար Մահմուդ Աբբասը նամակ է հղել օտարերկրյա առաջնորդներին, այդ թվում ԱՄՆ նախագահին և ԵՄ ղեկավարությանը՝ խնդրելով աջակցել այն հայտին, որը Գլխավոր Ասամբլեա է ներկայացվել սեպտեմբերի 23-ին:
