Անգլիական հայտնի The Guardian պարբերականը «Չելսի»-«Շախտյոր» խաղից առաջ ուշադրությունը սևեռել է «հանքափորների» առաջատար Հենրիխ Մխիթարյանի վրա, ումից, պարբերականի խոսքերով, շատ պետք է զգուշանալ:
«23 ամյա Հենրիխ Մխիթարյանը հավանաբար այս տարի կհաղթի Հայաստանի լավագույն ֆուտբոլիստի 3-րդ մրցանակը: Մխիթարյանի դերը շատ մեծ էր Հայաստանի հավաքականում, որ սխրանք կարող էր գործել Իռլանդիայում: Իսկ այս տարի, Ժադսոնի հեռանալուց հետո, նրա դերը շատ ավելի ակնառու դարձավ ակումբում` «Շախտյոր»-ում:
Այս մրցաշրջանում թիմը հաղթել է իր բոլոր 12 խաղերը, որոնցում կարևորագույն դերն ունեցել է Մխիթարյանը, ով 14 գոլ է խփել: Բացի այդ նա երկու գոլ է խփել «Նորշելանդ»-ին ՉԼ-ում: Արամ Խաչատրյանի «Սուսերով պարը» ստեղծագործությունն ամեն անգամ հնչում է նրա գոլերի ժամանակ, ու հայկական ռազմական այս երգը արդեն իսկ ամենահաճախ լսվողներից է «Դոնբաս Արենա»-ում: Նրա գլխավոր առավելություններն են դաշտը տեսնելը, լավ պատկերացումը ու ստեղծագործ միտքը: Նա թիմի հարձակման դիրիժորն է»,- գրում է պարբերականը:
Հիշեցնենք, որ «Չելսի»-«Շախտյոր» խաղը կկայանա վաղը` 22:45-ին:
