Եգիպտոսի նախագահ Մուհամմեդ Մուրսին ելույթ է ունեցել Թուրքիայում տեղի ունեցող կոնֆերանսի ժամանակ` Ռեջեփ Թայիփ Էրդողանի, Խալեդ Մաշալի և այլ մահմեդական առաջնորդների առաջ:
Մուրսին շոշափելով Սիրիայում տեղի ունեցող արյունահեղ պատերազմի թեման, իր ելույթում հատուկ ընդգծել է, որ «չի հանգստանա այնքան ժամանակ, քանի դեռ սիրիական ներկայիս ղեկավարությունը չի անհետացել»:
Մուրսին մասնավորապես հայտարարել է. «Սիրիայի ժողովուրդը սարսափելի ողբերգություն է ապրում: Ժողովրդի արյունը գիշեր-ցերեկ գետերով հոսում է: Մենք պետք է Սիրիայի ժողովրդին օգնենք ձեռք բերելու ցանկալի ազատությունը»:
Դրանից մի քանի ժամ առաջ Մուրսիի քաղաքական խորհրդատուներից մեկը արաբ լրագրողներին տված հարցազրույցում հաղորդել էր, որ «Եգիպտոսը Սիրիայի հակամարտությանը ռազմական միջամտության ճանապարհով լուծում տալը հավանական է համարում»,- հաղորդում zman.com-ը:
