Ֆրանսիայում հրատարակվող «Նոր Յառաջ» թերթը գրում է, որ Ադրբեջանի նախագահ Ալիևի՝ Փարիզ այցելության ժամանակ ֆրանսիական գործարարների՝ ՄԵՏԷՖ-ի կողմից գաղտնի ընդունելություն էր կազմակերպվել էր՝ այդ երկրին ռազմական սարքավորում վաճառելու միտումով: Այժմ, սակայն, հայտնի է դարձել, որ այդ ջանքերն իզուր էին, քանի որ հարավաֆրիկյան մի ընկերություն արդեն քանի ամիս առաջ շահել էր այն շուկան, որին իր հայացքն էր սևեռել ֆրանսիական կողմը։
Ադրբեջանական լրատվամիջոցները հաղորդում են, որ երկրի պաշտպանական արդյունաբերության նախարարության գիտահետազոտական ինստիտուտը նախագծել է մարտական մի մեքենա, որը ամբողջովին արտադրվելու է տեղում։ Սկզբնական փուլում պիտի մշակվեն այդ մեքենայի երկու տեսակները՝ հետախուզական և մարտական։ Այնուհետև ակնկալվում է նաև այլ տիպերի նախագծումը։
Ներկայումս Ադրբեջանի Պաշտպանության նախարարությունը, Հարավաֆրիկյան Հանրապետության Paramount Group ընկերության հետ համատեղ, արտադրում է Matador և Marauder ականադիմացկուն զրահապատ մեքենաներ։