ԱՄՆ նախագահի պաշտոնի համար պայքարելու է ֆինանսական վերլուծաբան, բլոգեր Մայքլ Շեդլոկը, ով աշխատում է Sitka Pacific Capital Management ներդրումային ընկերությունում: Այս մասին նա հայտարարել է իր կայքում:
Շեդլոկը չի պատրաստվում առաջադրվել որևէ կուսակցության կողմից, այլ օգտվելու է «write-in candidate» անվանումով կանոնից, որի համաձայն՝ նախագահ կարող է դառանալ նույնիսկ ընտրաթերթիկում անվանումը չգրանցած անձնավորությունը, դրա համար բավական է միայն, որ ընտրողները նրա անունը գրեն ընտրաթերթիկի վրա:
Շեդլոկը չի պաշտպանում ո՛չ Բարաք Օբամային և ո՛չ էլ Մեթյու Ռոմնիին: Երբ նա խորհում էր, թե ում է ընտրելու առաջիկա նախագահական ընտրություններին, նրա ընկերներից մեկը հայտարարեց, որ իր անունն է գրելու թերթիկի վրա: Դրանից հետո Շեդլոկը որոշեց ինքն էլ իրեն ընտրել:
Ֆինանսական վերլուծաբանը նշել է, որ չի հավատում իր հաղթանակին, սակայն, այնուամենայնիվ, մի քանի նախընտրական խոստում տվել է. հայրենիք վերադարձնել ամերիկյան բոլոր ռազմական ուժերը, պաշտոնից հեռացնել ԱՄՆ Դաշնային ռեզերվային ծառայության պետին` Բեն Բերնանկեին: Նրա խոսքերով, եթե յուրաքանչյուր նահանագում 50-ական մարդ էլ գրի իր անունը թերթիկի վրա, ապա դա աղմուկ կբարձրացնի ԶԼՄ-ների շրջանում:
Հիշեցնենք, ուր ԱՄՆ նախագահի ընտրությունները տեղի են ունենալու 2012 թ. նոյեմբերի 6-ին:
