Կատալոնական «Բարսելոնա»-ի գլխավոր մարզիչ Տիտո Վիլանովան մեկնաբանել է ՉԼ գավաթի խաղարկության խմբային փուլի վիճակահանության արդյունքները, ինչպես նաև պատմել է այն միջադեպի մասին, որի պատճառով որակազրկվել է 2 խաղով:
«Չեմ կարող ասել, որ մենք հեշտ հաղթահարելի խմբում ենք հայտնվել, քանի որ ՉԼ գավաթի խաղարկությունում նման խմբեր չեն լինում: Ես հիշում եմ, թե որքան բարդ են ստացվել «Ռուբին»-ի և «Կոպենհագեն»-ի հետ կայացած հանդիպումները:
Դանի Ալվեսն այսօր մարզվել է առանց սահամանափակումների, Պույոլը չի մասնակցել ամբողջ մարզմանը: Պետք է խորհրդակցեմ բժիշկների հետ, մինչ որոշում կայացնեմ հայտավորել նրանց «Վալենսիա»-ի հետ կայանալիք խաղին:
Ինչ վերաբերում է իմ երկխաղյա որակազրկմանը, ապա ես պարզապես ասացի մրցավարին, որ նա չի նկատել խաղից դուրս վիճակը, սակայն դա ասել եմ ոչ պարկեշտ ձևով»,- Վիլանովային մեջբերում է Barcastuff-ը:
Հիշեցնենք, որ «Բարսելոնա»-ի հետ միևնույն խմբում են հայտնվել «Սպարտակ»-ը, «Սելթիկ»-ը և «Բենֆիկա»-ն:
