Curiosity մարսագնաց գիտական լաբորատորիան 8 ամիս տևած թռիչքից հետո բարեհաջող վայրէջք է կատարել Կարմիր մոլորակի Գեյլա խառնարանի շրջանում: Այս մասին հաղորդում է RIA Novosti-ին՝ հղում անելով ամերիկյան NASA տիեզերական գործակալությանը:
«Շնորհավորում եմ և շնորհակալություն հայտնում NASA-ում աշխատող բոլոր կանանց ու տղամարդկանց, որոնք այս նվաճումն իրականացրին»,- գրել է ԱՄՆ նախագահ Բարաք Օբաման Twitter-ի իր էջում:
Կալիֆոռնիայի Փասադենա քաղաքում տեղակայված Թռիչքների ղեկավարման կենտրոնի մասնագետները ուրախության ճիչերով են ազդարարել մարսագնացի բարեհաջող վայրէջքը: Մարսագնացի ծառայողական տեսախցիկն արդեն երկու լուսանկար է արել Կարմիր մոլորակում: Լուսանկարներում երևում են ապարատի անիվը և ստվերը:
Ներկայումս գիտական լաբորատորիան «Մարս-Օդիսեյ» ուղեծրային ապարատի օգնությամբ հաղորդում է հեռաչափական տեղեկություն, ինչպես նաև առաջին տվյալները եղանակի ու ջերմաստիճանի մասին:
Ամենավտանգավոր պահն արդեն անցալում է: Վայրէջքը նոր տեխնոլոգիայի՝ «երկնային վերամբարձ կռունկի» օգնությամբ, բարեհաջող իրականացվել է:
Այժմ Curiosity-ն ամենամեծ և ամենաբբարդ գիտանական ապարատն է Մարսի մակերևույթի վրա: Այն կշռում է 899 կգ (Spirit –ն ու Opportunity-ն կշռել են 170-ական կգ):Նրանում գտնվում են 75 կգ ընդհանուր քաշով գիտական շուրջ 10-ը սարքավորումները, որոնք թույլ կտան իրականացնել երկրաբանական և երկրաքիմիական հետազոտություններ, կուսումնասիրեն մոլորակի կլիման, ջուր, ջրի հետքեր և օրգանական նյութեր կփնտրեն:
Curiosity-ն կարող է նոր երկարակյաց մարսագնաց դառնալ: Նրա էներգիայի աղբյուրը ոչ թե արևային մարտկոցներն են, այլ ռադիոիզոտոպային ջերմաէլեկտրական գեներատորը:Այդ «միջուկային մարտկոցը» կարող է մարսագնացին էներգիայով ապահովել 14 տարի: Այն անկախ կդարձնի լաբորատորիայի աշխատանքը տարվա ժամանակից ու եղանակից:
Curiosity-ն իր ուղևորությունը սկսել է 2011-ի նոյեմբերի 26-ին: Այդ պահին Երկրի և Մարսի միջև հեռավորությունը եղել է 204 միլիոն կիլոմետր: Ապարատը հաղթահարել է 567 կմ:
