Ինչպես հաղորոդում է РИА-Нововсти գործակալությունը, փետրվարի 16-ին Պաղեստինի ղեկավարությունը հայտարարել է, որ Երուսաղեմի «Հայկական թաղամասը» Պաղեստինի անբաժանելի մասն է: Այս մասին ասել է Պաղեստինի ինքնավարության ղեկավար Մահմուդ Աբբասը` նշելով, որ Պաղեստինը չի հրաժարվի այդ թաղամասից:
Աբբասն այս մասին հայտարարել է Ռամալլայում Երուսաղեմի և Արևմտյան ափի համայնքների հետ հանդիպման ժամանակ:
Հիշեցնենք, որ մի քանի շաբաթ առաջ Al-Jazeera-ի կողմից հրապարակված փաստաթղթերում նշվում էր, որ այլ զիջումների թվում 2008թ.-ին պաղեստինյան ղեկավարությունը պատրաստվում էր Իսրայելին հանձնել նաև «Հայկական թաղամասը»:
«Պաղեստինյան ղեկավարությունը պնդում է իր դիրքորոշումը և համարում է «Հայկական թաղամասը» Արևելյան Երուսաղեմի` անկախ պաղեստինյան պետության մայրաքաղաքի անբաժանելի մասը». ասել է Աբբասը համայնքների քրիստոնյա ղեկավարներին:
Այս մասին գրել է իսրայելական ZMNA.com կայքը:
