Գեներալ-գնդապետ Ռատկո Մլադիչի ոչ հարազատ եղբայրը` Բրանիսլավ Մլադիչը, խոստովանել է, որ 5 տարի եղբորը թաքցրել է Սիրիայի հյուսիսում գտնվող իր տանը: Այս մասին հայտնում է սերբական «Երեկոյան նորություններ» թերթը:
«Ռատկո Մլադիչը մեր ընտանիքի անդամն է, և ես հրաժարվում եմ ուրանալ նրան»,- ասել է Բրանիսլավ Մլադիչը:
Բրանիսլավ Մլադիչին սպառնում է 1 տարվա բանտարկություն և 3 տարվա պայմանական ազատազրկում: Դատարանի վերջնական վճիռը կկայացվի օգոստոսի 8-ին:
Բոսնիայի սերբերի բանակի նախկին հրամանատար գեներալ Մլադիչին մեղադրում են Բոսնիական հակամարտության ժամանակ կատարած հանցագործությունների մեջ, որոնք տեղի են ունեցել 1995 թվականին:
1995-ի հուլիսին նախկին Հարավսլավիայի շուրջ Միջազգային տրիբունալը Մլադիչին մեղադրել է զինվորական հանցագործությունների, ոճրագործությունների, ցեղասպանության մեջ: Բայց 16 տարի է` գեներալը թաքնվում էր օրենքից:
2011-ի հունիսի 3-ին գեներալն առաջին անգամ կանգնել է Հաագայի տրիբունալի առաջ:
