Ճապոնական Nissan Motor խոշոր ավտոմոբիլաշինական կոնցեռնի մաքուր շահույթը 2012-ի երկրորդ եռամսյակի տվյալներով` կազմել է 72,28 միլիարդ իեն (926 մլն դոլար), այսինքն՝ 15 տոկոսով քիչ անցած տարվա նույն ժամանակահատվածի համեմատ (85,02 մլրդ իեն):
Quick հետազոտական ընկերության վերլուծաբանները կանխատեսել էին 80,54 մլրդ իենի ցուցանիշ: Այս մասին հաղորդում է Finmarket.ru-ն:
Կոնցեռնի եկամուտը դիտարկվող ժամանակահատվածում աճել է 2,6%-ով՝ հասնելով 2,136 տրիլիոն իենի՝ անցած տարվա նույն ժամանակահատվածի 2,082 տրլն իենի համեմատ: Ընկերության օպերացիոն շահույթը ընկել է 19,7% -ով:
Nissan կոնցեռնի բրենդների ներքո թողարկված ավտոմեքենաների մատակարարումը 2012-ի երկրորդ եռամսյակում աճել է 14,6% -ով՝ հասնելով 1,21 միլիոն մեքենայի:
