Կառավարության շենքի մոտ այսօր դարձյալ բողոքի ակցիա էր: Կառավարության շենքն այսօր սովորականից շատ ոստիկաններ էին հսկում: Ոստիկանները կանգնել էին կառավարության դռան մոտ, որպեսզի ցուցարարարները նախորդ անգամվա պես չկարողանան ներխուժել կառավարության շենք:
Բանակում մահացած զինծառայողների մայրերն իրենց հետ բերել էին Սերժ Սարգսյանի նկարը, որի տակ գրված էր նրա խոսքերը. «Ամենից շատ ես եմ շահագրգռված, որ հանգամանքները բացահայտվեն»: Դեռևս երկու տարի առաջ Սերժ Սարգսյանը զինվորների մայրերին խոստացել էր, որ կբացահայտի նրանց որդիների մահվան հանգամանքները: Սակայն մինչ օրս որևէ տեղաշարժ չի նկատվել: Զինվորների մայրերը որպես բողոքի նշան Սերժ Սարգսյանի նկարը դրել էին իրենց ոտքերի տակ և նստել կառավարության շենքի դիմացի աստիճաններին: Նրանց այդ արարքը բարկացրեց ոստիկաններին, ովքեր մոտեցան և մայրերի ոտքերի տակից տարան նկարը:
Ոստիկանության փոխգնդապետ Կարեն Մովսիսյանը հայտարարեց, որ թուլ չի տա իր նախագահի նկարը ոտքերի տակ առնել:
