Մեքսիկայի բանկերի և արժեթղթերի ազգային հանձնաժողովը 28 միլիոն դոլարով տուգանել է HSBC բրիտանական բանկի տեղի մասնաճյուղին: Այս մասին հաղորդում է Rosbalt.ru-ն:
Տուգանքի տեսքով պատժամիջոցների պատճառն այն է, որ վարկային կազմակերպության ղեկավարությունը չի կարողացել ճիշտ կազմակերպել իր հաշվեհամարների միջոցով փողերի լվացման դեպքերի նախազգուշական աշխատանքը:
Տուգանքի չափը համեմատելի է բանկի տեղի մասնաճյուղի տարեկան շահույթի կեսին, որը HSBC-ն Մեքսիկայի տարածքում ստացել է 2011 թվականին:
Հետաքննությունը, որին մասնակցել են նաև ամերիկյան վերահսկիչ մարմինները, հաստատել է, որ անցած տարվա ընթացքում բանկի մասնաճյուղի ղեկավարությունը իմացել է մի քանի միլիարդ դոլարի կասկածելի վճարումների իրականացման մասին, սակայն քայլեր չի ձեռնարկել դրանց ծագումը բացահայտելու ուղղությամբ: Նշվում է նաև, որ նման պրակտիկան բանկում գործել է 2000-ականների սկզբից:
