Միջազգային վարկանիշային Moody’s գործակալությունը հուլիսի 25-ին վերանայել է գերմանական 17 բանկերի վարկանիշը: Առաջիկայում դժվարությունների հանդիպելու վտանգի առաջ են կանգնած Bayerische Landesbank, DekaBank Deutsche Girozentrale, HSH Nordbank, Landesbank Baden-Wuerttemberg, Landesbank Berlin, Landesbank Hessen-Thueringen, Landesbank Saar և Norddeutsche Landesbank բանկերը:
Վարկանիշային գործակալությունում ուշադրություն են դարձրել այն հանգամանքին, որ որպես վարկային կազմակերպությունների երաշխավոր հանդես է եկել Գերմանիայի կառավարությունը:
Իր հերթին գերմանական տնտեսության վրա իր ազդեցությունն է թողնում Հունաստանի և մի շարք այլ եվրոպական երկրների ճգնաժամը:
Երկու օր առաջ` հուլիսի 23-ին, Moody’s-ը նախազգուշացրել էր, որ հենց Գերմանիայի վարկային վարկանիշը կարող է իջեցվել:
Վարկանիշային գործակալությունը նախազգուշացրել է նաև Հոլանդիային և Լյուքսեմբուրգին:
