Շոտլանդիայի իշխանությունները կթույլատրեն միասեռ ամուսնությունները: Այս մասին հաղորդում է The Daily Telegraph-ը` հղում կատարելով երկրի վարչապետի տեղակալ Նիկոլ Ստերջնին: Սպասվում է, որ համապատասխան օրենքը կմշակվի այս տարվա վերջում և կարող է ուժի մեջ մտնել 2015թ-ից:
«Մենք գտնում ենք, որ ճիշտ ենք վարվում: Մենք նաև հաշվի ենք առնում այն հանգամանքը, որ խորհրդարանի բոլոր կուսակցությունների առաջնորդները պաշտպանում են միասեռական ամուսնությունները, այդ պատճառով օրինագիծը հավանության կարժանանա»,- հայտարարել է Ստերջը:
Նմանատիպ ամուսնությունները թույլատրելու մասին որոշումը կայացվել է անկախ այն բանից, որ համապատասխան հարցումների արդյունքում նրա դեմ քվեարկել է երկրի բնակչության երկու երրորդը:
Շոտլանդական կառավարության նախաձեռնության դեմ հանդես է եկել կաթոլիկ եկեղեցին և Շոտլանդիայի եկեղեցին: Եկեղեցին մտավախություն ունի, որ նման օրենքի ընդունմամբ պատասխանատվության կենթարկվեն այն հոգևորականները, որոնք կհրաժարվեն նման պսակադրություն իրականացնել: Սակայն օրենքի հեղինակները պնդում են, որ եթե այն ընդունվի, կանոնադրության մեջ փոփոխություններ տեղի կունենան և նման քահանաները պատասխանատվության չեն ենթարկվի:
Եթե օրենքն ընդունվի, Շոտլանդիան կդառնա նմանատիպ 13-րդ պետությունը, որի տարածքում թույլ են տրվելու միասեռ ամուսնությունները:
