Գրենլանդիայի սառցային մակերեսը հալվել է այս տարվա հուլիսին՝ տարածքում, որը գրեթե երկու անգամ գերազանցում է սովորական մակերեսը, հայտնել են НАСА-ի մասնագետները :
Գիտնականների խոսքով` հալվող տարածքն աննախադեպ է, ոչ մի նման բան տեղի չի ունեցել երեք տասնամյակի ընթացքում:
Սառցային ծածկույթի փոփոխություն արձանագրվել է նույնիսկ «Սամիթի» գիտական կայանում` Գրենլանդիայի ամենաբարձր կետում, որը նաև դրա ամենացուրտ մասն է:
Դատելով արխիվային տվյալներից` վերջին անգամ այնտեղի սառույցը հալվել է 1889 թվականին:
Ամառվա ամիսներին սովորաբար հալվում է գրենլանդական սառույցի գրեթե կեսը, բայց ներկայիս տվյալները գիտնականներին ստիպում են խոսել արտակարգ իրավիճակի մասին:
НАСА-ի տվյալներով` հալվելու հետքեր երևում են կղզու ամբողջ մակերեսի վրա:
«Սա հստակ նշան է, որի նշանակությունը պետք է պարզենք ապագայում»,- հայտարարել է ՆԱՍԱ-ի ներկայացուցիչ Վալիդ Աբդալատին:
Նա ավելացրել է, որ դեռ հնարավորություն չկա հասկանալու` այդ փոփոխությունները բնական են թե ոչ:
Սառույցի հալման մասին տվյալների հայտնվելուց մի քանի օր առաջ ՆԱՍԱ-ն հրապարակել է նկարներ, որոնցում տեսանելի է կղզուց առանձնացող սառցաբեկորը, որը գրեթե Մանհեթենի չափի է:
