ՄԱԿ-ի գլխավոր քարտուղար Պան Գի Մունը Մակեդոնիա այցի ժամանակ խոստացել է, որ հունական կառավարությանն անձամբ կոչ կանի արագացնել այդ նախկին հարավսլավական հանրապետության անվան հետ կապված խնդրի լուծումը:
Հունաստանը 1991թ-ից Մակեդոնիայի Հանրապետության հետ վիճարկում է նրա սահմանադրական անունը: Հունաստանը արգելափակել է Մակեդոնիայի մուտքը ՆԱՏՕ և թույլ չի տալիս բանակցություններ սկսել նրա Եվրամիություն մտնելու վերաբերյալ, չնայած 2005թ-ից Մակեդոնիան հանդիսանում է ԵՄ անդամակցելու պաշտոնական թեկնածու: Աթենքը պնդում է, որ Սկոպեն պետք է փոխի պետության անունը, որպեսզի այն չշփոթեն հունական նույնանուն շրջանի հետ:
«Ես շատ եմ, ցավում, որ երկու հարևան երկրները չեն կարողանում իրենց պոտենցիալն օգտագործել տարածաշրջանային համագործակցության համար: ՄԱԿ-ը ամեն ինչ կանի այս գործընթացը խթանելու համար»,- ասել է գլխավոր քարտուղարը:
