Իրանական Press TV-ի փոխանցմամբ՝ Իրանն ու Սաուդյան Արաբիան մոտ ժամանակներս մտադիր են ստորագրել հանցագործների արտահանձնման հարցում փոխըմբռնման հուշագիր: Այս մասին հայտարարել է Իրանի արտգործնախարար Ալի Աքբար Սալեհին:
Վերջինիս խոսքերով՝ տվյալ հուշագիրն արդեն իսկ նախապատրաստված է. «Համապատասխան այդ հուշագրի՝ երկու երկրների հանցագործները պետք է իրենց պատիժը կրեն իրենց երկրներում: Իրանը ձգտում է տարածաշրջանում խաղաղության ու կայունության և պատրաստ է հարևան երկրների հետ ունենալ լավագույն հարաբերություններ»:
Հիշեցնենք, որ վերջին շրջանում Իրանի ու Սաուդյան Արաբիայի հարաբերություններում որոշակի լարվածություն առաջացավ այն բանից հետո, երբ, առանց իրանական կողմին իրազեկելու, Սաուդյան Արաբիայում թմրանյութերի ապօրինի շրջանառման համար մահապատժի ենթարկվեցին Իրանի 18 քաղաքացիներ:
