Կենդանիների սիրահարների շրջանում այսօր բարկության ալիք էր բարձրացել այն բանից հետո, երբ պարզվել էր, որ Մեծ Բրիտանիայի համալսարաներից մեկում գիտական փորձի համար կարվել էին փոքրիկ կատուների աչքերը: Հետազոտությունն իրականացվել էր Մեծ Բրիտանիայի բարձրակարգ համալսարաններից մեկում:
Mail Online-ը հաղորդում է, որ հետազոտությունը ֆինանսավորվել էր հարկատուների գումարով, իսկ արդյունքները հրապարակվել են Եվրոպայի լավագույն բժշկական ամսագրերից մեկում` European Journal of Neuroscience ամսագրում:
Հետազոտության նպատակն էր 31 փոքրիկ կատուների միջոցով պարզել, թե ինչպես է ուղեղը գործում տեսողության բացակայության դեպքում:
Հետազոտությունն իրականցվել էր Քարդիֆի համալսարանի կողմից 2010 թվականին, բայց արդյունքները հրապարակվել են միայն այժմ և բարկության ալիք են բարձրացրել կենդանիների նկատմամբ անսիրտ վերաբերմունքի պատճառով:
