Լիբանանի ԱԳ նախարար Ադնան Մանսուրը նախագահ Միշել Սուլեյմանից կարգադրություն է ստացել սիրիական դեսպանին բողոքի հայտագիր ներկայացնելու՝ ի պատասխան սահմանները խախտելուն, երկուշաբթի օրը գրել է լիբանանյան Daily Star-ը:
«Սուլեյմանը դատապարտում է միջադեպը, որը տեղի է ունեցել անցած շաբաթ. ռմբակոծվել է Մաշարիխ ալ-Կա բնակավայրի տներից մեկը»,-նշվում է հայտարարության մեջ:
Թերթի տվյալներով՝ նախօրեին սիրիական բանակի 30 զինվոր ներխուժել է Լիբանանի տարածք և 500 մետր խորացել դեպի երկրի ներսը` տեղի բնակիչների տներում կոտորած իրականացնելով, հաղորդում է Interfax-ը:
Ավելի վաղ հաղորդվում էր, որ սիրիական զինվորականները «Լիբանանից զինված մի շարք խմբավորումների ներխուժումը» հետ են մղել:
Սիրիայի SANA պետական գործակալության տեղեկությամբ, սիրիական ուղեկալները պատասխան կրակ են բաց թողել գրոհայինների ուղությամբ:
Լիբանանյան հեռուստաալիքները նշել են, որ ռմբակոծության տակ ընկել է 5 գյուղ:
Վերջին օրերին տեղի ունեցած այս ամենավտանագավոր միջադեպը բնակիչներին ստիպել է լքել իրենց բնակավայրերը:
