Հնագետները հայտնաբերել են, որ Աֆղանստանի հյուսիսում գտնվող անապատը հեռավոր անցյալում պտղաբեր է եղել: Գիտնականներն արդյունքների մասին զեկուցել են Հարավ-արևելյան Ասիայի հնագիտական և մշակութային հետազոտությունների կոնֆերանսի ժամանակ, որը տեղի է ունեցել Փարիզում: Զեկույցը կարճ ներկայացնում է Science-ը:
Ֆրանսիական գիտնականները Մազարի-Շարիֆից դեպի արևելք պեղումներ են իրականացրել: Այդ տարածքն այժմ բավականին վատ է բնակեցված: Նրանք միաժամանակ հայտնաբերել են մի քանի խոշոր բնակավայրեր և ոռոգման համակարգեր: Համակարգն առնվազն 2.5 հազար տարեկան է, և հետազոտողների խոսքերով՝ այն ստեղծվել է հին պարսիկների կողմից:
Գիտնականները նշում են, որ այդ ժամանակներից ի վեր, ոչ ոքի չի հաջողվել «ստիպել» աֆղանական անապատին ծաղկել: Ավելին, հետազոտողները կարծում են, որ համակարգի մանրակրկիտ ուսումնասիրությունը կարող է ժամանակակից գիտնականներին օգնել կանաչեցնել տարածաշրջանը:
