Խաղաղ օվկիանոսում` հյուսիսկուրիլյան Սիմուշիր կղզու արևելյան ափի մոտ, վթարի է ենթարկվել ամերիկյան F-16 կործանիչը, որը Ճապոնիայից ուղևորվում էր Ալյասկա: Այս մասին հաղորդում է Ռուսաստանի Անվտանգության դաշնային ծառայության առափնյա պաշտպանության սահմանային վարչությունը:
«Ամերիկյան ռազմաօդային ուժերի F-16 կործանիչը ջրի վրա վթարային վայրէջք է կատարել: Մինչ այդ, օդաչուն հասցրել է դուրս նետվել»,- Ria Novosti-ի հետ հարցազրույցում նշել է սահմանային վարչության ներկայացուցչը:
Փրկարարաորոնողական աշխատանքներ իրականացնելու նպատակով օդանավի կործանման վայր են ուղևորվել ռուսական սահմանային պարեկային նավերը: Հաղորդվում է, որ օդաչուին դուրս է բերել ճապոնական նավը:
