Բուլղարական հետաքննիչներին հաջողվել է ստանալ ԴՆԹ նմուշները, որոնք ստացվել են մահապարտի մատից, ով ահաբեկչություն է իրականցրել Բուրգաս քաղաքի օդանավակայանում: Այժմ նրանք ստուգում են տվյալների՝ այդ թվում նաև ինտերպոլի բազաները, որպեսզի կարողնան պարզել հարձակում իրականացնողի անձը:
Բուլղարիայի վարչապետ Բոյկո Բորիսովը, ելույթ ունենալով կառավարությունում, հույս է հայտնել, որ հանցագործի անձը հստակ պարզել հնարավոր կլինի 3-4 օրվա ընթացքում:
ՆԳ նախարարն ավելացրել է, որ այն մարդը, ով օդանավակայանում պայթեցրել է իսրայելցիներով լի ավտոբուսը`սպանելով իրեն և ևս վեց մարդու, օտարերկյա քաղաքացի է եղել:
Այժմ Սոֆիան փորձում է բոլոր մանրամասները ճշտել օտարերկյա հատուկ ծառայությունների օգնմությամբ:
«Մենք խոսում ենք մի մարդու մասին, ով Բուլղարիայի քաղաքացի չէ »,- մամլո ասուլիսի ժամանակ նշել է ՆԳ նախարար Ցվետան Ցվետանովը:
Հետաքննությունն աշխատում է տարբեր ուղղություններով, չեն բացառում, որ գուցե ահաբեկիչն ունեցել է համախոհ:
Միաժամանակ ՆԳՆ ղեկավարը հերքել է տեղեկություններն այն մասին, որ պայթյունի հետևում կանգնած է «Հզբոլլահ»-ը:
Հիշեցնենք, որ ավելի վաղ ենթադրվում էր, որ 33-ամյա ահաբեկիչը միջազգային ջիհադ Մոհամեդ Մեխդի Գեզալի՝ «Կուբա-Շվեդ»-ի գործակալն է:
Հավելենք, որ Պենտագոնը, այնուամենայնիվ, կարծում է, որ «Հզբոլլահը» մասնակից է իսրայելցիների դեմ կատարված ահաբեկչությանը:
