ԱՄՆ Ներկայացուցիչների պալատի վերահսկողական կոմիտեի նախագահ Դարել Իսսան առաջարկել է երկրի նախկին նախագահ Ռոնալդ Ռեյգանի պատվին անվանել բացառիկ տնտեսական գոտին (Exclusive Economic Zone, EEZ), որը տեղակայված է ամերիկյան առափնյա հատվածում: Այս մասին հայտնում է The Hill’s E2 Wire-ը:
Ինչպես ընդգծում է Politico-ն, նման առաջարկ Իսսան արդեն երկու անգամ ներկայացրել է սենատորների քննարկմանը, սակայն դրանք երկու անգամ էլ մերժվել են` չհավաքելով անհրաժեշտ ձայներ:
EEZ-ը ստեղծվել է 1983թ. ` համաձայն նախագահի հրամանագրի:Այդ ժամանակ նախագահի աթոռն զբաղեցնում էր Ռեյգանը (ԱՄՆ 40-րդ նախագահը 1981-1989թթ.): Համապատասխան հրամանագրով ԱՄՆ-ը հայտարարել էր EEZ-ում օգտակար հանածոների հետախուզական ու արդյունահանման բացառիկ իրավունքների մասին: Դրանում ներառված են 200 մղոն հեռավարության վրա տարավող ջրեր ու շելֆեր` սկսած Ֆլորիդայից ու Տեխասից:
