Ինչպես հաղորդում է Associated Press գործակալությունը, Կոսովոյի նոր նախագահ է դառնալու Բեջեթ Պակոլին, որը համարվում է ամենահարուստ ալբանացին աշխարհում: Այսպիսի համաձայնության են եկել Կոսովոյի հիմնական քաղաքական ուժերը: Պակոլին գլխավորում է «Հանուն նոր Կոսովոյի» դաշինքը, որի հետ կոալիցիա է որոշել ստեղծել Հաշիմ Թաչին, որը հաղթել էր վերջին խորհրդարանական ընտրությունների ժամանակ, սակայն չէր կարողացել ապահովել մեծամասնություն:
Ինչպես գրում է RBC-ն, Պակոլին կյանքի մեծ մասն անցկացրել է Գերմանիայում և Շվեյցարիայում, զբաղվել գործարարությամբ: Նա ակտիվ է եղել նաև ռուսական ուղղությամբ. ծանոթանալով բարձրաստիճան պաշտոնայների հետ` վերակառուցման աշխատանքներ է իրականացրելԿրեմլում, կառավարության շենքում` Սպիտակ տանը, և այլ կառավարական շինություններում: Նրա դեմ նույնիսկ քրեական գործ էր հարուցվել` կաշառք տալու և վերակառուցման աշխատանքների իրավունքը ստանալու համար: Սակայն որոշ ժամանակ անց այդ գործը փակվել է: Նա նաև շինարարարական լուրջ նախագծեր է իրականացնում Ղազախստանում:
