Դերասան Սիլվեստեր Ստալոնեն մասնավոր քննիչ է վարձել՝ պարզելու 36-ամյա որդու՝ Սեյջի մահվան հանգամանքները: Այս մասին տեղեկացնում է The Times of India-ն:
TMZ.com-ի փոխանցմամբ՝ Սիլվեստերը ցանկանում է, որպեսզի Լոս Անջելեսի շրջանային դատաքննչական գրասենյակի քննիչ Սքոթ Ռոզը ուսումնասիրի կատարվածը և պարզի, թե ինչպես է մահը վրա հասել: Նա նաև ցանկանում է տեղեկություններ ստանալ Սեյջի կյանքի վերջին շաբաթների մասին` արդյոք նա թմրանյութեր կամ ալկոհոլ օգտագործե՞լ է, կամ նրան անհանգստացնող խնդիրներ եղե՞լ են, թե՞ ոչ:
Կիրակի տեղի ունեցած դիահերձման նախնական տվյալները չեն կարողացել պարզել մահվան պատճառը: Այդ մասին հայտնի կդառնա երկու ամսից՝ թունաբանական թեստի անցկացումից հետո:
Հիշեցնենք. Սեյջին մահացած էին գտել ուրբաթ օրը` Լոս Անջելեսի իր տանը:
