Բրիտանական The Guardian թերթը գրում է, Սիրիայում բանակից փախած զինվորականության շրջանում լուրեր են պտտվում, որ երեկ Դամասկոսում տեղի ունեցած ահաբեկչությունից հետո նախագահ Բաշար Ալ-Ասադի կինը երեխաների հետ հատուկ ինքնաթիռով տեղափոխվել է Մոսկվա:
Նախագահի գտնվելու վայրը նույնպես հայտնի չէ: Նման լուրերից մեկի համաձայն էլ՝ ահաբեկչության հետևանքով նա վիրավորվել է և տեղափոխվել Լաթաքիա:
Հիշեցնենք. երեկ առավոտյան, երբ Դամասկոսի Ազգային անվտանգության շենքում տեղի էր ունենում երկրի ղեկավարության հանդիպումը, ահաբեկչություն է իրականացվել, որի հետևանքով զոհվել են երկրի պաշտպանության նախարար Դաուդ Ռաջիհան և նրա տեղակալը՝ նախագահ Բաշար Ալ-Ասադի փեսա Ասեֆ Շաուկատը, պաշտպանության նախկին նախարար Հասան Ալ-Թուրքմանին, ներքին գործերի նախարար Մուհամմադ Ալ-Շաարը:
Նշենք, որ ահաբեկչությունից հետո բանակի հրամանատարությունը հայտարարություն տարածեց՝ խոստանալով պատժել մեղավորներին: Նախագահի կողմից մինչ այժմ ոչ մի հայտարարություն չի եղել:
