Այսօր` հուլիսի 19-ին, ՆՓԱԿ կինոակումբում կինոյի սիրահարները ֆրանսիական կինոյի սիրահարներին հնարավորություն կընձեռվի դիտել ֆրանսիացի ռեժիսոր Լեոս Կարաքսի «Վատ արյուն» ֆիլմը (1986, 125ր.):
Ֆիլմի սցենարի ռեժիսորը Լեոս Կարաքն է: Դերերում հանդես են գալիս դերասաններ Դընի Լավանը, Ժյուլիետ Բինոշը, Միշել Պիկոլին, Ժյուլի Դելպին, Հանս Մայերը, Քերոլ Բրուքսը, Հուգո Փրաթը, Միրեյ Պերյեն, Սերժ Ռեջջանին:
«Սև ֆիլմի» և գիտաֆանտաստիկայի տարրերը միահյուսած դրաման պատմում է մի արտասովոր ու մահացու վարակի մասին: Սեռական ճանապարհով փոխանցվող այդ հիվանդությունը, որ կոչվում է STBO, սրբում է երկիրը` տարածվելով առանց զգացմունքի սեռական հարաբերություն ունենալիս: Մինչդեռ հիվանդությունը բուժող շիճուկ է ստեղծվել, որը փակի տակ է պահվում մի անմատչելի պետական շենքում, և հիվանդների մեծամասնությանը հասանելի չէ:
Ֆիլմն արժանացել է «Լուի Դելյուկ» մրցանակին (1986), Բեռլինի կինոփառատոնում (1987) Ալֆրեդ Բաուերի անվան մրցանակի, CICAE-ի մրցանակի` պատվավոր հիշատակություն անվանակարգում:
Ֆիլմը ցուցադրվել է նաև «Ոսկե ծիրան» կինոփառատոնի շրջանակում:
Ֆիլմն սկսվում է ժ. 19.00-ին, մուտքն անվճար է:
