ԱՄՆ նախագահ Բարաք Օբաման հուլիսի 17-ին նշանակել է Աֆղանստանի և Պակիստանի նոր դեսպաններ: Այս մասին հաղորդում է The New York Times-ը՝ վկայակոչելով Սպիտակ տան հաղորդագրությունը: Դեսպանների թեկնածությունները դեռ պետք է հաստատվեն Սենատի կողմից:
Աֆղանստանի դեսպան է դարձել դիվանագիտական առաքելության նախկին ղեկավարի տեղակալ Ջեյմս Քանինգհեմը: Պակիստանի դեսպանի պաշտոնը զբաղեցրել է Քաբուլում ԱՄՆ դեսպանատան ևս մեկ աշխատակից՝ Ռիչարդ Օլսոնը: Աֆղանստանի դեսպանատանը Օլսոնը պատասխանատու էր Աֆղանստանի հետ տնտեսական կապերի համար:
Ավելի վաղ Քաննինգհեմը զբաղեցրել է ՄԱԿ-ում ԱՄՆ դեսպանի, Հոնկոնգում և Մակաոյում ԱՄՆ-ի գլխավոր հյուպատոսի և Իսրայելի դեսպանի պաշտոնները: Աֆղանստանի դեսպանի պաշտոնում նա կփոխարինի Ռայան Քրոքերին, որը հրաժարական է տվել այս ամռանը՝ առողջական պատճառներով:
Պակիստանի դեսպանի պաշտոնը երկու տարի շարունակ զբաղեցնում էր Քեմերոն Մանտերը: Նրան փոխարինած Օլսոնը նախկինում զբաղեցրել է ԱՄԷ-ում ԱՄՆ դեսպանի պաշտոնը: Նա նաև աշխատել է Սաուդյան Արաբիայի և Իրաքի ամերիկյան դեսպանատներում:
Սպիտակ տունը հույս ունի, որ նոր դեսպանները կկարողանան նոր փուլ բացել ԱՄՆ-ի և այդ երկրների համագործակցության գործում:
