Հուլիսի 17-ին ժամը 08.00-ին տեղեկություն է ստացվել, որ հուլիսի 16-ին ժամը 18.30-ի սահմաններում արագածոտնի մարզի Վարդենիս գյուղում տեղի է ունեցել ճանապարհատրանսպորտային պատահար:
Դեռևս չպարզված հանգամանքներում «Գազ-2417» մակնիշի 61 ՍՏ 202 պետհամարանիշի (վարորդ՝ 1976 թ. ծնված նվեր անդրեասյան) ավտոմեքենան դուրս է եկել երթևեկելի մասից և շրջվել, ինչի հետևանքով ուղևորներ 1984թ. ծնված Ն. Նիկոլյանը, 1991թ. ծնված Ս. Սիմոնյանը և 1994թ. ծնված Ա.Սիմոնյանը տարբեր աստիճանի մարմնական վնասվածքներով հոսպիտալացվել են Ապարան քաղաքի բժշկական կենտրոն:
ԱԻՆ լրատվական ծառայությունից «Առաջին լրատվական»-ին հայտնում են, որ բժիշկները Ն. Նիկոլյանի առողջական վիճակը գնահատել են միջին ծանրության, իսկ Ս. Սիմոնյանը և Ա. Սիմոնյանը ստանալով համապատասխան բուժօգնություն դուրս են գրվել:
