Հունական բանկից գողացել և մոտոցիկլետով դուրս են բերել կես միլիոն եվրո

Ավելի քան 500 հազար եվրո է գողացվել հունական փոքրիկ Սպեցե կղզու բանկերից մեկից։ Այս մասին հաղորդում է RIA-Novosti գործակալությունը՝ հղում կատարելով հունական Skai հեռուստաընկերությանը։

Երեք տղամարդ և մեկ կին ներխուժել են Alpha Bank-ի տեղի մասնաճյուղի տարածք և, սպառնալով զենքով, դրամարկղից հափշտակել են հենց նոր բանկ բերված կանխիկ գումարը, որից հետո մոտոցիկլետով հեռացել են հանցագործության վայրից։ Ոստիկանությանը չի հաջողվել անմիջապես ձերբակալել գողերին։

Սա աննախադեպ հանցագործություն է փոքրիկ Սպեցեի համար, որը շատ հայտնի է որպես զբոսաշրջիկների վայր։ Կղզու փոքր չափերի պատճառով մեքենաների շահագործումն այնտեղ արգելված է։