Համաշխարհային առևտրային կազմակերպությունը Չինաստանի հանդեպ ԱՄՆ-ի հայցի իր որոշման մեջ հայտարարել է, որ Պեկինը խախտել է ծառայությունների առևտրի համաձայնագրը և համաշխարհային վճարային համակարգերի հանդեպ անցկացնում է դիսկրիմինացիայի քաղաքականություն: Սակայն ԱՄՆ-ի Չնիաստանի հանդեպ գլխավոր գանգատն այն է, որ տեղական Union Pay վճարային համակարգը շուկայում միակ մոնոպոլիստն է: Այդ մասին նշվում է հուլիսի 16-ին կազմակերպության հրապարակված զեկույցում:
Զեկույցում նշվում է, որ Վաշինգտոնը ճշմարտացի է շատ հարցերում, որոնք վեր էին բարձացվել 2010 թվականին ԱՄՆ առևտրային ներկայացուցչի կողմից: ԱՄՆ-ի կարծիքով՝ դիսկրիմինացիան կայանում է նրանում, որ բոլոր վճարային քարտերը, որոնք տրված են Չինաստանի տարածքում, բացառապես պետք է աշխատեն Union Pay –ի հետ և օգտագործեն լոգոտիպը: Բացի այդ՝ բոլոր վճարային տերմինալները պարտավոր են վճարներն ընդունել այդ համակարգով:
Ելնելով այս փաստերից՝ համաշխարհային առևտրային կազմակերպությունը քննարկել է Չինաստանի կողմից վճարման այլ էլեկտրոնային համակարգերի դիսկրիմինացիայի և Պեկինի կողմից Ծառայությունների վաճառքի գլխավոր համաձայնագրի խախտման հանգամանքը:
